Campeonato de España de Media Maratón Ortigueira - Cariño 2019

A Ortegal21k é unha proba de medio maratón (21.097 metros), que neste ano 2019 celebra a súa primeira edición. Terá lugar o sábado 25 de maio, con saída dende o Concello de Ortigueira ás 17 horas. A meta está ubicada no Concello de Cariño.

Nace da colaboración entre os Concellos de Cariño e Ortigueira e a Federación Galega de Atletismo, e na súa primeira edición conta, ademáis de cunha proba popular, cun Campeonato de España de Medio Maratón Máster e co XXIX Campeonato de Galicia Absoluto de Medio Maratón.

O percorrido consiste nunha saída desde a localidade de Ortigueira e un traxecto lineal ata o Concello de Cariño. O circuito estará homologado pola Real Federación Española de Atletismo (RFEA).
A carreira estará controlada polo Comité Nacional de Xuíces da RFEA e o Comité Galego de Xuíces da FGA.